Þegar að þú ætlar að æfa er mikilvægt að líkaminn sé tilbúinn í átökin, hvort sem það séu lyftingar, brennsla, hlaup eða sund. Líkaminn þarf að innbyrða hæfilegt magn af kaloríum til þess að hafa orku í æfinguna.
Fyrst og fremst þarf líkaminn kolvetni en einföld kolvetni eru auðmeltanleg og því kjörinn kostur fyrir æfingar. Þessa er snögg orka sem líkaminn er fljótur að nýta sér. Sem dæmi eru ávextir, eins og banani, fitulítið morgunkorn, brauð(ekki trefjaríkt þar sem að trefjar hægja á meltingu).
Það er ekki aðeins mikilvægt að huga að kolvetnaþörf heldur einnig próteininntöku. Próteinið kemur í veg fyrir að líkaminn gangi á vöðva á æfingum, þ.e. brjóti niður vöðva til þess að mynda orku. Borðaðu 20-30g af próteini fyrir æfingu með einföldum kolvetnum. Sem dæmi má nefna skyr, hleðslu, kjúkling, kjöt, fisk, túnfisk, eggjahvítur.
Eftir æfinguna skaltu borða svipaða máltíð sem inniheldur líka 20-30g af próteini og mikð magn einfaldra kolvetna.