Ofn: 200°C blástur eða 225°C án blásturs.

Kveikið á ofninum og setjið tvær bökunarplötur í ofninn. Önnur efst og hin neðst. Ef þið eruð ekki með blástursofn bakið þið eina pizzu í einu en setjið báðar plöturnar í ofninn strax.

Mælið vatn, hunang og ger í skál og blandið lítillega saman með sleif. Látið standa í 10 mínútur á hlýjum stað.

Bætið olíunni í skálina eftir 10 mínúturnar og mælið svo hveiti, fræ og salt saman við. Hrærið vel saman með sleif og hnoðið svo vandlega á borði.

Notið eins lítið hveiti til að hnoða og hægt er, deigið á að vera lint og mjúkt.

Látið deigið lyfta sér í skál með röku stykki ofan á í 30 mínútur. Hnoðið örlítið upp aftur, skiptið í 2 hluta og fletjið út í 2 kringlótta 14“ stóra pizzabotna.

Færið botnana á bökunarpappír og setjið sósu, ost og álegg á. Færið pizzurnar á pappírnum á heitar bökunarplöturnar og bakið í 10-14 mínútur hvora fyrir sig. Ef þið bakið bara eina í einu er hin heita platan höfð kyrr í ofninum þangað til sú fyrri er tekin út og þá er sú seinni sett á heitu plötuna og bökuð.

Verði þér að góðu :-)